அதிமுக எம்.எல்.ஏ. பொள்ளாச்சி ஜெயராமன் மருத்துவமனையில் அனுமதி

கோவை மாவட்டம் பொள்ளாச்சி தொகுதி அ.தி.மு.க. எம்.எல்.ஏ.வும், முன்னாள் துணை சபாநாயகருமான பொள்ளாச்சி ஜெயராமனுக்கு திடீரென உடல்நலக்குறைவு ஏற்பட்டது.

இதையடுத்து கோவையில் உள்ள தனியார் மருத்துவமனையில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது.

போதிய அளவு தண்ணீர் குடிக்காததால் ஏற்பட்ட பாதிப்பால் பொள்ளாச்சி ஜெயராமனுக்கு உடல் நலக்குறைவு ஏற்பட்டதாக மருத்துவர்கள் தெரிவித்துள்ளனர்.

தற்போது அவரது உடல்நிலை சீராக உள்ளது. ஒரு சில நாட்கள் மருத்துவமனையில் தங்கி இருப்பார் என்று தெரிவித்தனர்.