ஓடிடியிலும் கெத்து காட்டும் அஜித்தின் துணிவு படம்..!

எச்.வினோத் இயக்கத்தில் அஜித் நடித்த துணிவு திரைப்படம் கடந்த மாதம் 11ம் தேதி வெளியானது. இப்படத்தில் மஞ்சு வாரியார், சமுத்திரக்கனி உள்ளிட்ட பலர் நடித்திருந்தனர். துணிவு திரைப்படம் ரூ.200 கோடிக்கு மேல் வசூல் செய்து சாதனை படைத்தது.

இந்நிலையில் துணிவு திரைப்படம் கடந்த வாரம் நெட்பிளிக்ஸ் ஓடிடி தளத்தில் வெளியானது. அதிலும் துணிவு படத்துக்கு நல்ல வரவேற்பு கிடைத்து வருகிறது.

உலகளவில் ஒரு வாரம் அதிகளவில் பார்க்கப்பட்ட ஆங்கிலம் அல்லாத பிற மொழி படங்களின் டாப் 10 பட்டியலை நெட்பிளிக்ஸ் நிறுவனம் வெளியிட்டு உள்ளது. அதில் துணிவு திரைப்படத்தின் தமிழ் மற்றும் இந்தி வெர்ஷன் அந்த பட்டியலில் மூன்று மற்றும் நான்காவது இடத்தை பிடித்துள்ளது.

நெட்பிளிக்ஸின் டாப் 10 பட்டியலில் 2 இடங்களைப் பிடித்த முதல் தமிழ் படம் என்கிற பெருமை துணிவு படத்திற்கு கிடைத்துள்ளது.