சென்னை அம்பத்தூர் ஐ.சி.எப் காலனியில் வலி நிவாரணி மாத்திரைகள் போதைக்காக விற்பனை செய்யப்பட்டுவருவதாக கிடைத்த ரகசிய தகவல் கிடைத்தது. இதையடுத்து அம்பத்தூர் தொழிற்பேட்டை காவல் ஆய்வாளர் ஜெயச்சந்திரன் அவர்கள் தலைமையில் போலீசார் தீவிர கண்காணிப்பில் ஈடுபட்டனர்.
அங்கு சந்தேகத்திற்கு இடமான வகையில் சுற்றித்திரிந்த வாலிபர்களை நோட்டமிட்ட போலீசார், அவர்களிடம் சென்று பேச்சு கொடுத்த போது அவர்கள், வலி நிவாரணி மாத்திரைகளை போதைக்காக விற்பனை செய்து வந்தது தெரிய வந்தது. இதனையடுத்து அவர்களை காவல் நிலையம் அழைத்து வந்து போலீசார் தீவிரமாக விசாரணை மேற்கொண்டனர். அதில் அவர்கள் அம்பத்தூர் ஐசிஎப் காலனியை சேர்ந்த அஜித் (21), திருமுல்லைவாயில் பகுதியில் சேர்ந்த சதீஷ் (18), அம்பத்தூர் மண்ணூர்பேட்டையை சேர்ந்த 17 வயது சிறுவன், அம்பத்தூர் அடுத்த அயப்பாக்கத்தை சேர்ந்த லிங்கேஷ் (18), அம்பத்தூர் இந்திரா நகர் பகுதியில் சேர்ந்த தனுஷ் (21), அம்பத்தூர் சோழபுரத்தை சேர்ந்த யோகராஜ் (21) என்பதும் தெரியவந்துள்ளது.
இதனையடுத்து அவர்கள் வைத்திருந்த 2 லட்சம் மதிப்புடைய 1800 போதை மாத்திரைகளை பறிமுதல் செய்த போலீசார், அவர்கள் 6 பேரையும் கைது செய்து நீதிமன்றத்தில் ஆஜர் படுத்தியுள்ளனர். மேலும் 300 கிலோ குட்காவும் பறிமுதல் செய்யப்பட்டது.
போலீசார் தொடர்ந்து போதை மாத்திரைகள் குட்கா போன்ற போதை பொருட்களை பறிமுதல் செய்து வரும் நிலையில், போலீசாரின் இந்த நடவடிக்கைகள் பொதுமக்கள் மத்தியில் வரவேற்பு பெற்றுள்ளது